စစ်ကိုင်းတိုင်းမှာ ဘာလို့ PDF တွေ အဆမတန် အင်အားသိပ်ကောင်းလာကြတာလဲ ? တဲ့။

တော်လှန်ရေး မိတ်ဆွေတွေက ကျနော့်ကိုလာမေးတတ်ကြတယ်။

ကျနော်ကိုယ်တိုင်လဲလက်ရှိ စစ်ကိုင်း Front Line Battle တွေက PDF တစ်ယောက်မို့ အဖြေ အတိအကျရှိတယ်ဗျား။

ရှင်းရှင်းလေးပါ။ခုနောက်ပိုင်း လပ်တီး က ရွာတွေကိုမီးရှို့ဖို့သက်သက်အတွက် ပုဇဉ်းနဲ့တောင် စခ တွေလာချသွားတာရှိတယ်။

မြေပြင်မှာဆို တောက်လျှောက်အုန်းခံနေရလို့ဝေဟင်ကနေ လာပို့သွားတဲ့ သဘောမျိုးပေါ့ဗျာ။

ဒါတောင် ကျနော်တို့ဖက်က လနကြီးစာ မိမှာကြောက်ပြီးနှစ်စီး၊ သုံးစီး လာတယ်။ တစ်စီးက ပစ်ကူဆိုရင်တစ်စီးက စခတွေ ချသွားတယ်။

အရင်လို ပလိန်းကြီးမြေပြင်နား မကပ်ရဲတော့ဘူး။

ဆိုတော့ …

ရွာတွေကို လပ်တီးက မီးဝင်ရှို့တယ်။ ရွာခံပြည်သူတွေကလဲ နပ်နေပြီ။

ခုနောက်ပိုင်းလတွေမှာ PDF တွေကခနတော့ ရှောင်ပေးရပါမယ် ပြောရင် ချက်ချင်းအရွေ့ကိုမြင်ရတယ်။

ဒါ့ကြောင့် ရွာတွေထဲမှာတင် ပြည်သူမရှိဘဲထိတွေ့မှု ဖော်ဆောင်နိုင်သွားတယ်။

( ဒီအတွက် သက်ဆိုင်ရာ EAOs တွေနဲ့လဲ သဘောတူညီချက်ရရှိပြီး။ )

တချို့ပွဲတွေဆိုရင် အမြန်ကိစ္စဖြတ်နိုင်သွားလို့ ရွာခံပြည်သူတွေရဲ့အိမ်တွေ မီးလောင်မယ့်ဘေးကနေ ကာကွယ်နိုင်သွားတယ်။

အဲ့မှာ PDF တွေနဲ့ ပြည်သူတွေ တသားထဲ ပိုဖြစ်။ ပိုမိုအထောက်အပံ့တွေ ရသွားတယ်။

ပွဲပြီးတော့ PDF ဖြစ်ခြင်လို့ အဝတ်တထည် ကိုယ်တခုနဲ့ လိုက်လာသူတွေဆိုတာလဲ ဒုနဲ့ဒေး။

နောက်တစ်ချက်ကကျတော့ …ရွာလုံးကျွတ်မီးရှို့ခံလိုက်ရတဲ့ ရွာတွေ။

အဲ့က ပြည်သူတွေကျတော့ နာကျည်းစိတ်နဲ့ တောင်ယာ၊နှမ်၊ ပဲ အလုပ်ကိုစွန့်ပြီး PDF တပ်ရင်းတွေထဲ ခြေစုံပစ်ဝင်လာကြတယ်။

ဒီလိုပြည်သူမျိုး ကျပြန်တော့သူတို့မှာ ထောက်စရာ၊ ငဲ့စရာ ဘာမှရှိမနေတော့ဘူး။

ရွပ်ရွပ်ရွပ်ချွံချွံ တိုက်ပွဲဝင်ကြတယ်။လပ်တီးက ဉာဏ်ရည် တထွာတမိုက်လောက်နဲ့ PDF နဲ့ ပြည်သူကို သွေးခွဲဖို့ကြိုးစားတယ်။

စဉ်းစားတွေးခေါ်နိုင်စွမ်းမြင့်မားတဲ့ ကျေးလက်နေပြည်သူတွေကြောင့် ကျနော်တို့က ပိုပြီး စည်းလုံးညီညွတ်သွားကြတယ်။

ဒီနေ့အိမ်ကို မီးရှို့ခံလိုက်ရတဲ့ပြည်သူတွေဟာ မနက်ဖြန်တွေမှာ PDF အဖြစ်ပြောင်းလဲသွားတယ်

တော်ဝင်နောင် (MasK.)